निकुञ्जले विकासमा अवरोध पुर्याउन नछाडे ४० हजार माडीबासीहरुको साथमा सडक आन्दोलन गर्ने चेतावनी : नगरप्रमुख माडी

स्वदेश एफ.एम.को बहसमुलक कार्यक्रम आजको सन्दर्भमा कुराकानी गर्दै नगरप्रमुख ढकालले निकुञ्जको कारण माडी नगरपालिकाद्वारा सञ्चालित योजना एवं कार्यक्रमहरु रोकिनुपरे सडक आन्दोलनमा उत्रने चेतावनी दिनुभएको हो । आन्दोलनमा साथ दिन उहाँले सम्पूर्ण माडीबासीहरुमा आग्रह समेत गर्नुभयो ।

त्यसैगरी उहाँले कुसुमखोला घटनामा मुख्य जिम्मेवार व्यक्ति रहेको भन्दै चितवन राष्ट्रिय निकुञ्जका सहायक संरक्षण अधिकृत भोजराज पन्तलाई कडा कानुनी कारवाहीको माग समेत गर्नुभयो । कुसुमखोलामा अझै बाँकी रहेका सुकुम्बासीहरुलाई माडी नगरपालिका वडा नं. ७, ८ र ९ का नमुना चेपाङ बस्तीहरुमै बाँडेर स्थायी आवास निर्माण गरी राख्ने योजना रहेको उहाँको भनाई थियो ।

एक फरक प्रशंगमा कुसुमखोलाका चेपाङहरुलाई घर बनाइँदिदा केहि माडीबासीहरुले निकुञ्जका शुभचिन्तक भन्दै बेनामे उजुरी हाल्ने काम गरी दुःख दिएको उहाँले खुलासा गर्नुभयो । यसप्रकारका निकृष्ट काम गर्ने केहि माडीबासीहरु आफ्नो नीजि स्वार्थको कारण निकुञ्जको पछि लागेको उहाँको आरोप थियो ।@स्वदेश एफ.एम.